二級遊樂船牌/一級船牌考試課程：珍寶海鮮舫沉沒之謎！船長分析！
最近珍寶海鮮舫沉沒事件,令好多香港人感到惋惜之餘, 亦覺得好多不解之處, 網上流傳好多陰謀論嘅想法,認為整個沉沒事件早有安排,亦有人認為這代表著香港嘅沉沒,今次就用我地既專業知識向大家解救一下
首先先了解這個珍寶海鮮舫的背景資料,佢係坐落喺南區黃竹坑深灣內,由何家擁有,擁有人曾經喺2020年11月底向海洋公園提出捐贈呢隻海鮮舫,但海洋公園喺2011年底通知,因未能夠搵到合適嘅第三方機構營運, 呢個捐贈計劃就咁樣告吹。我哋相信雖然海洋公園或許可以免費得到呢隻海鮮舫,但因為呢隻船還需要定期維修保養,費用亦不少, 再加上海洋公園近年嘅收入亦係每況愈下, 唔敢貿然接受呢番嘅好意, 亦可以理解。
另外,2022年6月呢隻船係海事處嘅牌照就到期, 如果需要繼續經營, 保險費, 驗船費, 維修保養費, 應該係要先畀, 搞好後至能夠續牌, 喺香港經歷兩年疫情, 同國內外遊客人數跌至歷史新低嘅大環境下, 放棄繼續營運呢隻船, 亦無可厚非。
但今次珍寶海鮮舫沉沒事件, 實在有好多巧合, 同埋不解之處。
上個禮拜, 當有消息話海鮮舫會拖離香港到其他地方繼續經營嘅時候, 有跟我地學遊艇操作嘅學生whatsapp問我, 點樣可以將呢隻船從香港運走, 係咪直接用拖船將佢拖走。我就咁答佢冇乜可能,海鮮舫一路停泊喺香港仔深灣避風塘一帶, 嗰度唔會有大風大浪,
就算當年十號風球山竹襲港, 喺嗰度停泊嘅船都尚算安全, 海鮮舫係一隻躉船嘅設計, 按道理係唔適合喺大海中航行, 建造一隻可以喺大海中航行嘅船, 成本係高好多。如果海鮮舫係咁嘅設計, 佢應該還遊世界去做生意, 唔使係疫情中, 冇遊客嘅情況下, 重留喺深灣。
咁個學生就問咁究竟點樣海鮮舫帶離香港呢? 我當時冇睇過任何嘅資料, 我就咁講可行嘅方法係將呢隻船拆咗, 再喺賣家嘅地方重裝番, 但當時我冇諗過成本問題, 宜家睇黎都無可能，既然海鮮舫已經 經營唔到落去, 又點樣可以再花費一大匹金錢, 將佢拆咗, 再重裝呢?
講到呢度,讓我哋初步解釋下如果要隻船喺大海航有乜嘢重點, 穩定性係非常重要, 要做到穩定性高,隻船嘅重心要低, 打個比喻, 如果隻船底係平嘅, 船身好高, 起左好多層, 就好似一幅牆咁, 大風一吹, 成幅牆都冧落嚟, 所以重心低係好重要。
據wikipedia嘅資料顯示, 海鮮舫長76公尺, 闊22公尺, 高28公尺, 高28公尺即係28米, 如果一般樓宇建築物黎講, 一層樓大概高三米, 即係海鮮舫都差不多九層樓至十層樓高, 但係要講個穩定性仲要睇下吃水係幾深, 吃水深度即係水面至到船底嘅深度, 一啲喺大海航行嘅船吃水就一定要好深, 穩定性至會高
另外, 如果見到一啲遊輪好高, 有多層數, 咁即係話佢吃水一定好深, 船亦要好闊
海鮮舫因為停泊喺風平浪靜嘅位置, 所以吃水應該唔需要好深, 但喺網上就搵唔到實際資料, 如果有觀眾有呢方便嘅資料, 歡迎留言
你可以睇下呢幅圖, 就係典型拖船同埋被拖船嘅樣貌啦, 後面嘅被拖船, 船身唔高, 而且好寬闊, 咁樣嘅設計就較穩定, 因為冇實質嘅資料同數據, 可能海鮮舫嘅設計係適合係大海中航都唔定, 但悲慘嘅事實就係佢已經沉咗。
另外, 當呢隻海鮮舫沉沒咗之後, 有關嘅公司發言人聲稱, 因為遇到惡劣天氣, 沉沒咗喺南沙一帶, 水深差唔多1000米, 所以現時冇辦法打撈。
呢段說話就係最巧妙嘅地方, 第一佢冇講到實際係咩地方發生, 令人相信沉船係喺公海, 不屬任何國家嘅管轄權, 咁樣就好難有國家或地方可以追究, 第二, 水深超過1000米, 除咗係打撈工作近乎無可能之外, 係咪重暗示咗因為水咁深, 對其他經過嘅船隻, 航行冇危險, 冇需要花咁大成本去打撈呢?
上二級遊樂船班時, 有學到一個概念, 就係沉船嘅水深同符號, 如果沉船沉係好深水嘅地方, 一搬超過30米水深以外, 對航行就無乜大危險, 如果沉船沉係較淺水嘅地方, 對其他船經過該沉船時, 會做成危險嘅話, 就要加倍注意! 亦要盡快打撈。 其實無論水深多少,擁有者都有責任打撈沉船, 正常做法, 當沉船發生, 應在沉船嘅位置加上一個浮波, 要嚟定位, 作好準備之後, 要返回該處, 做打撈嘅工作, 如果喺香港水域沉船, 要報告俾海事處, 當海事處認為有需要嘅時候, 會先打撈, 跟住會問返該船隻嘅擁有人找數, 畀返打撈嘅費用。
但如果隻船沉喺公海, 點會有國家可以去處理呢?
另外, 海鮮舫嘅發言人聲稱出發前文件, 批文已處理好, 但係佢哋就冇透露今次嘅實際行程,目的地, 同埋買家嘅資料, 好難知道佢哋所講嘅批文係啲乜? !
以遊艇為例, 離開香港境外前, 要向海事處填表,作出申請,基本上係要講出將會去嘅國家,目的地, 同埋要申報船隻嘅長,闊 同其他嘅狀況, 呢個係自行申報嘅程序。到達該國後, 亦應該以書面形式向香港海事處會報。另外, 出境嘅船員需要向入境處申報出境嘅時間,日期, 呢啲申報對於買保險係非常之重要。
但今次海鮮舫出境嘅實際程序, 就冇乜資料可以考究, 所以比較難判斷。
雖然今次事件, 有咁多令人不解嘅地方, 但係珍寶海鮮舫嘅擁有人, 財力雄厚, 處理呢件事嘅花費對佢哋嚟講係小菜一碟, 照計唔會好似網上有啲人流傳, 為咗慳果小小錢選擇喺公海放棄呢隻船, 始終咁樣做對公司形象受損, 或者今次係有人為嘅失誤, 但係一啲冇實質證據嘅陰謀論最好就唔好信啦!
http://www.course88.com/yacht/
但無論如何, 佢哋都係有責任向大家公開隻船沉沒嘅實際位置, 佢哋估計沉沒地點有1000米水深, 但如果估計錯誤, 原來有啲殘骸係遺留喺較淺水嘅地方, 咁就可能會對其他船經過果度嘅時候, 造成危險, 因此, 係應該對外公佈實際嘅位置。另外, 雖然難以將整隻船打撈, 但沉船始終會對環境有一定破壞, 係咪可以聯同環保專家, 工程人員, 盡量清除呢次事件所引起嘅污染物呢?
最後，容許我哋介紹下自己，我哋係course 88.com主要係舉辦一級同二級遊樂船考牌課程，亦會幫助我哋嘅會員買賣遊艇及解決各方面海上遊樂的問題。 如果您覺得本集嘅內容幾有建設性，可以幫到你嘅話，請求你訂閱我哋嘅頻道，卑個like, 撳埋個鐘仔，又或者喺下面留言，再次請求你幫幫手。 下次再見，拜拜
Youtube Video: https://www.youtube.com/watch?v=BU7YAQuUhcg
